596)అనివర్తీ -
ధర్మమార్గములో పయనించువాడు
వెనుకకు మరలనట్టివాడు
తలపులప్రకారమే నడుచువాడు
అనివర్తియై సాగుతున్నవాడు
శ్రీవిష్ణు సహస్రనామాలు ఉమా!
597)నివృత్తాత్మా -
నియమముతో సంచరించువాడు
ఆత్మ నియంత్రణమున్నవాడు
నిగ్రహమునీయగలిగినవాడు
ఆత్మ సంవృత్తినిచ్చునట్టివాడు
శ్రీ విష్ణు సహస్రనామాలు ఉమా!
598)సంక్షేప్తా -
జగత్తును సూక్ష్మము గావించువాడు
స్వల్పరూపముగా చేయగలవాడు
ప్రళయమందు రక్షణజేయువాడు
సంక్షేమపు సంకల్పమున్నవాడు
శ్రీ విష్ణు సహస్రనామాలు ఉమా!
599)క్షేమకృత్ -
క్షేమమును సమకూర్చునట్టివాడు
శుభములకారణమైన వాడు
సంతోషమును కలిగించగలవాడు
క్షేమయోగకారణమైనట్టి వాడు
శ్రీ విష్ణు సహస్రనామాలు ఉమా!
600)శివః -
వేదముగా భాసిల్లుచున్నవాడు
మోక్షమును ప్రసాదించువాడు
శుభయోగములు కలిగించువాడు
స్మరణతో పవిత్రము చేయువాడు
శ్రీవిష్ణు సహస్రనామాలు ఉమా!
addComments
కామెంట్ను పోస్ట్ చేయండి