శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

631)విశోకః -

శోకము లేకున్నట్టివాడు 

దుఃఖభారములు లేనివాడు 

బాధలను జయించినట్టివాడు 

విశోకునిగా నుండినవాడు 

శ్రీవిష్ణు సహస్రనామాలు ఉమా!

632)శోకనాశనః -

భక్తుల దుఃఖమును అణుచువాడు 

శోకము నాశనము చేయువాడు 

బాధలను దూరముంచువాడు 

కష్టజీవితము తొలిగించువాడు 

శ్రీ విష్ణు సహస్రనామాలు ఉమా!

633)అర్చిష్మాన్ -

తేజోరూపుడై యున్నవాడు 

అష్టవిధానములలో పూజితుడు 

వెలుగులు ప్రసాదించుచున్నవాడు 

సర్వులతో అర్చింపబడువాడు 

శ్రీ విష్ణు సహస్రనామాలు ఉమా!

634)అర్చితః -

సర్వలోకములూ పూజించువాడు 

విశ్వముతో అర్చింపబడువాడు 

దేవతలు మ్రొక్కుచున్నట్టి వాడు 

సర్వదా అర్చనలు జరుగువాడు 

శ్రీ విష్ణు సహస్రనామాలు ఉమా!

635)కుంభః -

సర్వమూ తనలోనున్నవాడు 

కుంభమువలే రూపించువాడు 

భూమిని తనయందుంచినవాడు 

ధరణిని గాచుచున్నట్టివాడు 

శ్రీవిష్ణు సహస్రనామాలు ఉమా!

(సశేషం )