721)అనేక మూర్తిః -
వివిధ మూర్తులలో యున్నవాడు
అనేకరూపాలు దాల్చగలవాడు
అవతారములు దాల్చినవాడు
పలుమూర్తులుగా నిలిచినవాడు
శ్రీవిష్ణు సహస్రనామాలు ఉమా!
722)అవ్యక్తః -
అగోచరము అయినట్టి వాడు
వ్యక్తముకాని విధమైనవాడు
ఇదియని నిర్ణయించలేనివాడు
అర్థము చేసుకోలేనట్టి వాడు
శ్రీవిష్ణు సహస్రనామాలు ఉమా
723) శతమూర్తిః -
వందమూర్తులను దాల్చినట్టివాడు
వివిధ అవతారములున్నవాడు
కార్యములకు రూపుదాల్చినవాడు
శతమూర్తిమత్వము యున్నవాడు
శ్రీ విష్ణు సహస్రనామాలు ఉమా!
724)శతాననః -
అనంత ముఖములున్నవాడు
అన్నివైపుల చూచుచున్నవాడు
నలుదిక్కులు వ్యాపించినవాడు
శతాననుడై వెలసినవాడు
శ్రీ విష్ణు సహస్రనామాలు ఉమా!
725)ఏకః -
ఒక్కడే అయివుండినవాడు
సర్వులు తానే అయినవాడు
విశ్వాత్మతాను అయినట్టివాడు
ఏకరూపంలో గోచరించువాడు
శ్రీవిష్ణు సహస్రనామాలు ఉమా!
addComments
కామెంట్ను పోస్ట్ చేయండి