శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

661)బ్రాహ్మణ్యః -

బ్రహ్మను అభిమానించువాడు 

ధర్మాచరణ సాధనమైనవాడు 

బ్రాహ్మణ సమూహమందున్నవాడు 

బ్రాహ్మణ కర్మలను చేయువాడు 

శ్రీవిష్ణు సహస్రనామాలు ఉమా!

662)బ్రహ్మకృత్ -

తపస్సును ఆచరించగలవాడు 

బ్రహ్మముకు కర్తయైయున్నవాడు 

ధ్యానాదులను జరిపించువాడు 

తపోవృద్ధికి కారణమైనవాడు 

శ్రీవిష్ణు సహస్రనామాలు ఉమా!

663)బ్రహ్మా -

బ్రహ్మదేవుని రూపంలోనున్నవాడు 

సృష్టిని తనే సృజించుచున్నవాడు 

ప్రాణులను పుట్టించినట్టి వాడు 

భువనములు ఏర్పరిచినవాడు 

శ్రీ విష్ణు సహస్రనామాలు ఉమా!

664)బ్రహ్మః -

అమోఘమైన తేజ మున్నట్టివాడు 

బ్రహ్మాండము తనైయున్నవాడు 

గొప్పదైన గుర్తింపుగలవాడు 

బ్రహ్మ స్థానములో యున్నవాడు 

శ్రీ విష్ణు సహస్రనామాలు ఉమా!

665)బ్రహ్మ వివర్థనః -

గొప్ప తపస్సున్నట్టివాడు 

యోగము వృద్ధిచేయగలవాడు 

ధ్యానము పెంపొందించువాడు 

బ్రహ్మవివర్ధనుడైనట్టి వాడు 

శ్రీవిష్ణు సహస్రనామాలు ఉమా!

(సశేషం )