శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

656)అనిర్యేశ్యవపుః -

నిర్వచించుటకు సాధ్యంకానివాడు 

నిర్ధారణ చేయలేనట్టి వాడు 

నిర్దేశించుటకు వీలవనివాడు 

అనిర్యేశ్యవఫుడైనట్టి వాడు 

శ్రీవిష్ణు సహస్రనామాలు ఉమా!

657)విష్ణుః -

భూమ్యాకాశముల్లో నున్నవాడు 

అంతటా వ్యాపించినట్టి వాడు 

వైకుంఠంలో నివసించేవాడు 

విష్ణుస్వరూపమున్నవాడు 

శ్రీవిష్ణు సహస్రనామాలు ఉమా!

658)వీరః -

వీ ధాతువుచే నిండినట్టి వాడు 

కర్మలను కలిగియున్నవాడు 

వీరత్వము సూచింపబడువాడు 

విజయకారణమై వెలుగువాడు 

శ్రీ విష్ణు సహస్రనామాలు ఉమా!

659)అనంతః -

సర్వత్రా యుండునట్టివాడు 

సర్వకాలములలో నున్నవాడు 

అంతములేనివిధమున్నవాడు 

అనంతుడయి రాజిల్లువాడు 

శ్రీ విష్ణు సహస్రనామాలు ఉమా!

660)ధనంజయః -

ధనమును జయించినట్టి వాడు 

సంపదను గెలుచుచున్నవాడు 

శ్రీలను ఓడించగలవాడు 

ధనంజయనామమున్న వాడు 

శ్రీవిష్ణు సహస్రనామాలు ఉమా!

(సశేషం )