ఆగస్టు 15 శుభోదయం ;- మొర్రి గోపి -కవిటి-శ్రీకాకుళం జిల్లా -8897882202

తంత్రాలకు ఎదురొడ్డి 

పర తంత్రం పై పోరు 

స్వేచ్ఛ వాయువులకై 

త్యాగాల జోరు 

దురాచారాలకు ధీటుగా 

అసమానతలపై ఘాటుగా 

బానిసత్వానికి వ్యతిరేకంగా 

పోరాటంసల్పారు ఏకమై 

బ్రహ్మ సమాజం స్థాపనతో 

రాజా రామ్మోహన్ రాయ్ 

వివేకవర్ధిని పత్రికతో 

కందుకూరి వీరేశలింగం 

సమ సమాజ నిర్మాణానికి 

నిరంతర సాధనా ప్రయత్నం 

 సిపాయిల తిరుగుబాటు

కంపెనీ పాలనకు అంతం 

భారత ప్రథమ స్వతంత్ర సమరం 

ఝాన్సీ లక్ష్మీభాయి స్ఫూర్తి అమరం

విజ్ఞాపన వినతి అభ్యర్థనలే 

మితవాదుల సమయస్ఫూర్తి 

బ్రిటిష్ పాలన అంతముకు 

పోరాటమే లక్ష్యమై అతివాదుల ఆర్తి 

లాల్ బాల్ పాల్ త్రయం 

ఎదురొడ్డి నిలిచి పోరాడిన తీరు 

భగత్ సింగ్ ఆజాదుల 

త్యాగనిరతి తెగువకు శ్రీకారం 

అహింసా సత్యాగ్రహ మార్గంలో 

జాతిపిత గాంధీజీ నడిపించిన ఉద్యమం 

ఏకతాటిపై భరతావనిని నడిపించిన వైనo 

సహాయనిరాకరణం

క్విట్ ఇండియా ఉద్యమం 

బ్రిటిష్ వెన్నులో భయం భయం 

భారత స్వాతంత్ర ఉద్యమం 

ఆగస్టు 15 న అందించే శుభోదయం

****