రైతు నిష్కామ కర్మ యోగి ;- అంకాల సోమయ్య -దేవరుప్పుల -జనగాం-9640748497

అతడు హలధారి 

నిష్కామ కర్మ యోగి

పంటపోలం పాడియావులు

అరక పశువులు

తన ఆస్తిపాస్తులు

లోకానికి అన్నపెట్టువాడు

తనను అన్నదాత అంటారు

ఆపద సమయంలో ఆదుకునే

నాథుడేలేక అల్లాడుతాడు

విత్తనాలు ఎరువులు పురుగుమందులు అన్నింటినీ

అరువు కు తెచ్చి అవస్థలు

పడుతున్నవాడు

తీరా పంటపండించాక

గిట్టుబాటు ధర లేక

ఉరికొయ్యకు వ్రేలాడే

అనామకుడాతడు

రైతుకు పంటరుణాలు

సబ్సిడీ విత్తనాలు

అతివృష్టి అనావృష్టి వడగండ్లు కడగండ్లు మిగిల్చిన సమయాన రుణమాఫీ

ఊరటనిచ్చే పథకం

దేశానికి వెన్నెముకైన రైతును

ఆదుకోవడం ప్రభుత్వం గొప్పమనస్సుకు నిదర్శనం

ఎద్దు ఏడ్చిన ఎవుసం

రైతు ఏడ్చిన రాజ్యం బాగుపడదు

అందుకే రైతు

సరిహద్దులో రక్షకుడు 

జ్ఞానాంజన దిద్దే గురువు

బంధువులు స్నేహితులు

అందరికంటే రైతు గొప్పవాడు

అందుకే కృషివలున్ని కాపాడుకుందాం

వ్యవసాయాన్ని పండగచేసుకుందాం

రైతునాధుకున్న తెలంగాణ రాష్ట్ర ప్రభుత్వానికి జేజేలు పలుకుదాం

జై రైతన్న జైజై రైతన్న