నేను స్వతంత్రుడను;- అంకాల సోమయ్య;దేవరుప్పుల-జనగాం-9640748497

నేను స్వతంత్రుడను 

నేను ఎవరినీ దేబిరించి

నేనడగను

నేను స్వయంపోషకుడను

నేను నా స్వశక్తినే

నమ్ముకున్నవాడను

నేను శక్తి యుక్తి యుండి

చేతగాదనే సోమరులకు

బద్ధశత్రువును

నాకు దాపరికం 

ఏమిలేదు 

అంతా ఖుల్లంఖుల్లం

జీవితమంటేనే జీవిస్తూ వెళ్లడం

కష్టాలు కన్నీళ్లు ఇక్కడ సహజం

ఆత్మవిశ్వాసం నేనెప్పుడూ కోల్పోను

అతి విశ్వాసంతో నేనెప్పుడుండను

నేను నలుగురికి 

ఆదర్శప్రాయున్నీ కాకపోవచ్చు

కానీ

నేను వాస్తవికతతో బ్రతకడం నేర్చినవాడను