ఓపరమేశా;- కొప్పరపు తాయారు.

 1) కోరినంత కోరికలు తీర్చావా పరమేశా
    కోమలమైన మనసు నాది రాలేవా పరమేశా !
2) నాదంలో నిర్భయంగా నిలిచినావా ఈశా
     నాదనేదీ లేదనే మనసు నిచ్ఛావా పరమేశా !
3) గంగ తల పైన ఉన్నదన్న నమ్మకమా ఈశా
     నిజాంత రంగుడివి నమ్మకమే పరమేశా !
4) కామితార్థములు తీర్చడి వాడివి కదా ఈశా 
     కావలసినది ఏదో తెలియదే నిజం పరమేశా !
5) కనులు మూసి కనులు తెరిచిన నీవే గా ఈశా
     కడవరకు కాపాడేది నీవే కదా  పరమేశా!
6) కవ్వింతలు, గిలిగింతల మనసు లేదు ఈశా
     కరుణతోడ జూడు మయ్యా కరుణామూర్తి వి 
      పరమేశా !
7) అందరి వాడివి నీవు అందుకోలేను ఈశా
     ఆదరించి నా పైన దయజూపుమా పరమేశా!