బడి అంటే!!...;- -గద్వాల సోమన్న,9966414580

బడి అంటే బందీఖానా

ఏమాత్రం కాదు మానవా!

స్వేచ్చగా విహరించు బాలల

తల్లి మెత్తని ఒడి ఎరుగవా!

గురుదేవులు కొలువుదీరే

మహత్తరమైన రాజకోట

విజ్ఞానం పరిఢవిల్లే

పాఠశాలే పూలతోట

మస్తకాలు వెలిగింపజేయు

పుస్తకాలు పఠించే చోటు

అక్కడకెళ్లితే విజయము

జీవితాల్లో ఉండదు లోటు

ఉత్తమ పౌరులుగా తీర్చే

పాఠశాలే కార్యశాల

భవితకు బంగరు బాటలేయు

కేంద్రాలయమే పాఠశాల

చిరు దేవతల దేవాలయము

గురు బ్రహ్మల ఉండే భవనము

రండీ!! చిన్నారులారా!!

అందరికడి దర్శనీయ స్థలము