గురువు యాదిలో....;- ఉండ్రాళ్ళ రాజేశం -సిద్దిపేట -9966946084

 గురువు  గురువు గురువు గురువు గుండె దరువు 
గురువు యాది కొస్తేనే జ్ఞాపకాల దరువు 
                     || గురువు ||
చిన్ననాట తడబడిన అడుగుల సవ్వడి గురువు 
గుండ్రటి అక్షరాలు దిద్దించి విజ్ఞానం అందించే గురువు 
ఆటపాట మాటలతో చిందులేసిన గురువు 
కండల్లో తిరుగుతుండు క్షణక్షణం మన గురువు 
                     
                     || గురువు ||
అసాధ్యాలను సుసాధ్యం చేసిది గురువు 
అందనంత విజయాలకు మమ్ము పంపి గురువు 
తాను బడిలోనే ఉండి మురుస్తాడు గురువు 
ఎన్నటికీ మరువలేని అక్షర సౌధం మన గురువు 
                
                     || గురువు ||
జిజ్ఞాసను పసిగట్టి విజ్ఞానం అందించి గురువు
వేలాది విద్యార్థులకు  జ్ఞాన కెరటం గురువు 
నిత్యం చిరునవ్వుల రేడుగా సాగేటి గురువు 
నింగి నేల తడిమిన అరేయ్ ఒరేయ్ అని పిలిచేదే మన గురువు 
                  ||గురువు||
జాతి కుల మతాలకతీతంగా పలుకరించు గురువు 
నిండుకుండ వలె తొనకని రూపం గురువు 
గురుపూజోత్సవ వందనం మీ పాదపద్మాలకు గురువు
మరువలేని మరుపురాని నిలువెత్తు శిల్పం మనగురువు 
                   ||గురువు||