దేవరాగం:- గుర్రాల లక్ష్మారెడ్డి కల్వకుర్తి.-సెల్.9491387977.-నాగర్ కర్నూల్ జిల్లా.

దేవరాగమును తీస్తూ

ఆ దేవదేవుని పూజిస్తూ

ఉంటే బ్రతుకంతా హాయి

లేకుంటే ఇక చింతేనోయి  !

ఆ దేవుడు ఉన్నాడంటూ

నమ్మకమే నీకింకా ఉంటే

ఆ దేవుని నీవు కొలువు

సత్య పథములో నిలువు !

కొలిచే దేవుడు వరమిస్తాడు

తలిచే కొద్ది వరమందిస్తాడు

కొదువన్నది ఉండదులే నీకు

ఆ దేవుని ఇక మరచిపోకు. !

ఆ దేవుడు చూపిన దయవల్ల

నడుస్తున్నది ఈ ప్రపంచం మెల్ల

అని మనం అందరకు చెప్పుదాం

కని ఈ నిజం ముడీ విప్పుదాం. !

నిజం తెలుసుకున్న జనమంతా

చేరుతారులే ఆ దేవదేవుని చెంత

భక్తితో దేవుని వారు పూజిస్తారు

అనురక్తితో గుడిలో చేరి చెరిస్తారు

ఆ గుడిలో చేరిన ఆ భక్తజనం

మడికట్టుక వస్తారు అనుదినం

ఆ దేవుని మనసారా కొలిచేరు

ఆ దేవుని ముందర నిలిచేరు. !

దేవుని వ్రతమును చేద్దాం

బంధుమిత్రుల ఆహ్వానిద్దాం

తీర్థ ప్రసాదముల అందిద్దాం

ముక్తిని ఇవ్వమని ప్రార్థిద్దాం !

మన మొర విని ఆ దేవుడు

వరమును తప్పక అందిస్తాడు

వరమును అందిన మనమంతా

చేరుతాములే ఆ దేవుని చెంత. !

మనం స్వర్గసుఖాలను అప్పుడు

అనుభవిస్తాము ఇక ఎల్లప్పుడు

ఈ శుభ తరుణాన్ని చేసుకో అర్థం

చేసుకోకుంటే నీ జీవితమే వ్యర్థం !