బాలల పండుగ :-ఎ.అనితాదేవి -తెలుగు ఉపాధ్యాయురాలు -జిల్లా పరిషత్ బాలికోన్నత పాఠశాల & కళాశాల-రైల్వే కోడూరు -అన్నమయ్య జిల్లా.

బాలల పండుగ వచ్చింది 

భలే సరదాలు తెచ్చింది 

రంగురంగుల ముగ్గులు వేద్దాం 

పాఠశాలను అలంకరిద్దాం 

గులాబీలను తీసుకువద్దాం 

చాచా నెహ్రూ ని పూజిద్దాం 

పోటీలన్నటిలో పాల్గొందాం 

బహుమతులన్నీ సాధిద్దాం 

ఆడి పాడి ఆనందిద్దాం 

మిఠాయిలను పంచేద్దాం 

శాంతి కపోతాలను ఎగరేద్దాం

ప్రశాంత జీవనం గడిపేద్దాం 

ఆకాశమే హద్దుగా పయనిద్దాం 

అందరమొకటని చాటుదాం