యుద్దం ప్రకటిస్తున్నా ,
ఎవరిమీదో కాదు ...
ఎక్కడో కాదు ....ఇక్కడే ...
ఇప్పుడే ...
నామీద నేనే ....
యుద్దం ప్రకటిస్తున్నా ..!
ఈరోజుది ..ఇప్పటిది ,
రేపుకు వాయిదావేసే
పనికి రాని
ప్రయోజనంలేని
అనవసర ఆలోచనపై
యుద్దం ప్రకటిస్తున్నా !
నేడు చదవాల్సిన
అమూల్యమైన పుస్తకాన్ని
తరువాత చదువుదాం ..
అన్న ..మూఢ తత్వంపై
నా ..యుద్దం ప్రకటిస్తున్న !
నిత్యం ...నడక
అవసరం ఉన్నా ..
తొంబై కారణాలు చూపించి ,
కాలుకద పని ,
నా కంపు కథనంపై ,
యుద్దమే ప్రకటిస్తున్నా !
బద్ధకబ్రహ్మ
బిరుదాంకితుడనైన నేను ,
బద్దకాన్ని పారద్రోలాలని ,
కలలుకంటూనే ....
బద్ధకించేస్తున్నా ...
అందుకే ___
నాపై ..నేనే ...
యుద్దం ప్రకటిస్తున్నా !
బద్దకంతో ....
యుద్దానికి ,
సన్నద్దమవుతున్నా ..!!
addComments
కామెంట్ను పోస్ట్ చేయండి